Livadhi / Atë që nuk e bën shteti e bën diaspora
Në Livadhi, prej disa ditësh po punohet në rregullimin e trotuareve në rrugën kryesore të fshatit. Punimet financohen nga ana e mërgimtarëve të Livadhisë, kryesisht nga Zvicra dhe Austria, ndërsa kontribut kanë dhënë banorët dhe bizneset e vendit.
Trotoari në fjalë, në të dyja anët duhej të rregullohet nga ana e pushtetit lokal, por edhe pse i nisur para tre viteve, ende nuk ka përfunduar, shkruan VOX Struga.
![](https://i0.wp.com/voxstruga.mk/wp-content/uploads/2019/11/Photo_1574904563948.jpg?resize=800%2C600&ssl=1)
Të lodhur nga pritja e gjatë dhe degradimi i skajshëm i rrugës e të shtyrë në veçanti nga nevoja për siguri të fëmijeve që për çdo ditë shkojnë në shkollë, u mor inciativa për financim privat të këtij projekti.
Gjatë muajve të verës, poashtu me iniciativë të mërgimtarëve nga Zvicra dhe të mbështetur nga ato të SHBA-së dhe vendeve tjera, dhe banorëve të Lagjes së Epërme, u rregullua shtrati i lumit (Jazit) që kalon thuajse në tërë fshatin.
Atë që nuk e bën shteti, e bëjnë me forcat e veta banorët. Kjo gjë ndodh në shumicën e fshatrave, sidomos shqiptare.
Vlen të përmendet edhe kontributi i bizneseve dhe mjeshtërve të vetë fshatit Livadhi gjatë kryerjes së këtyre punimeve.
Aktualisht, punime po realizohen edhe tek Xhamia e fshatit Livadhi, ku po rregullohet oborri i saj./voxstruga.mk/
![](https://i0.wp.com/voxstruga.mk/wp-content/uploads/2019/11/Photo_1574904561627-2.jpg?resize=800%2C600&ssl=1)
![](https://i0.wp.com/voxstruga.mk/wp-content/uploads/2019/11/Photo_1574904566077.jpg?resize=800%2C600&ssl=1)
![](https://i2.wp.com/voxstruga.mk/wp-content/uploads/2019/11/Screenshot_20191128_025843.jpg?fit=800%2C450&ssl=1)
![](https://i0.wp.com/voxstruga.mk/wp-content/uploads/2019/11/Screenshot_20191128_025828.jpg?fit=800%2C449&ssl=1)
![](https://i0.wp.com/voxstruga.mk/wp-content/uploads/2019/11/Screenshot_20191128_025805.jpg?fit=800%2C959&ssl=1)
![](https://i0.wp.com/voxstruga.mk/wp-content/uploads/2019/11/FB_IMG_1574906070650.jpg?resize=720%2C960&ssl=1)
![](https://i0.wp.com/voxstruga.mk/wp-content/uploads/2019/11/FB_IMG_1574906057901.jpg?resize=720%2C960&ssl=1)