Fulfilling the UNESCO recommendations is an impossible mission

Fulfilling UNESCO recommendations within the given deadline is an impossible mission, says the expert in the field of ecology, Fulfilling UNESCO recommendations within the given deadline is an impossible mission, says the expert in the field of ecology. Според него најдобро решение е Охрид и државата самите да побараат охридскиот регион да се најде на листата на културно и природно наследство во опасност бидејќи на тој начин побрзо и полесно ќе се реализираат преземените обврски затоа што во такви случаи УНЕСКО нуди техничка, експертска и финансиска поддршка.

Се повеќе експерти сметаат дека е невозможно Охрид и државата во рок од две години да ги реализираат сите препораки на УНЕСКО. Ова е ставот и на Дејан Пановски којшто смета дека покрај основните барања на светската организација ние сме креирале една цела палета на одговорности кои наместо самите да ги решиме сега станале дел од задачите кои не можеме да ги исполниме. Според него најдоброто нешто за Охрид и државата е самите да побараат Охридскиот регион да биде ставен на Листата на Светско културно и природно богатство во опасност.

„Да се стави одредено подрачје на Листата на загрозени подрачја во контекст на УНЕСКО не е некоја санкција, туку отвора механизам каде што УНЕСКО го активира својот фонд за светско наследство и тој фонд овозможува покрај финансиски да се помогне во зачувувањето на природното и културното богатство. Да се помогне и технички, да се помогне и експертски“, изјави Дејан Пановски-експерт од областа на екологијата.Овој механизам на УНЕСКО веќе го користеле повеќе земји.

„Ниту е тоа некоја срамна одлука, ниту е тоа некоја непозната одлука затоа што постојат многу држави коишто побарале сами своите национални богатства во контекст на УНЕСКО да се стават под режим на загрозено подрачје, затоа што тоа им ги отворало механизмите и ја сензибирало светската јавност дека има проблем“, изјави Дејан Пановски-експерт од областа на екологијата.

Според Пановски на тој начин најефикасно ќе успееме да ја сочуваме состојбата на културното и природното наследство без притоа да се доведеме во ситуација да прифаќаме обврски коишто во никој случај не можеме да ги исполниме ниту од економски, ниту од политички аспект.

Сашо Нелоски