Утре акција на МВР во Струга

Утре, 01 април (сабота) 2023 година, во 12 часот, во старата чаршија во Струга, наспроти хотелот „Белград“, претставници од СВР Охрид и ОВР Струга, ќе ја спроведат заедничката кампања на МВР и МПС, „МВР за граѓаните – заедница, доверба, одговорност“. Целта е доближување до граѓаните за суштината, вредностите и карактеристиките на концептот – полициско работење со заедницата, важноста од градењето партнерство помеѓу полицијата и граѓаните, но и механизмите за контрола врз полицијата што придонесуваат за зголемување на нејзиниот кредибилитет и интегритет.