Nuk ka raste të reja në Strugë, numri i të infektuarve mbetet 66
Shërohen 69 pacientë , konfirmohen 29 raste të reja me Kovid-19, vdesin katër persona
Ministria e Shëndetësisë informon se sot Instituti për Shëndet Publik ka regjistruar 69 pacientë të shëruar nga koronavirusi dhe atë në Shkup-18, Kumanovë-36, Dibër-1, Shtip-1, Veles-10 dhe në Gjevgjeli-1.
Janë konfirmuar 29 raste të reja të Kovid-19 dhe atë në Shkup-11, Kumanovë-4, Prilep-3, Tetovë-2, Veles-6, Koçan-3.
Numri i tërësishëm i të diagnostifikuarve me Kovid-19 në vend arrin 1.494. Prej tyre, 807 janë shëruar, ndërsa 81 kanë vdekur. Për momentin numri i rasteve aktive arrin 606.
“Në Klinikën për sëmundje infektive dhe gjendje fibrile kanë vdekur dy persona nga Prilepi, pacientja e moshës 55 vjeçare që ka qëndruar në Klinikën nga 24 prilli dhe një pacient 87 vjeçar i cili ka qëndruar në Klinikë nga 27 prilli, dhe të dy me formë të rëndë të sëmundjes dhe dobësisë respiratore. Instituti ka regjistruar edhe një person të vdekur në Prilep, grua e moshës 69 vjeçare, pozitive me koronavirus, ka vdekur në shtëpi. Në SPQ “8 Shtatori” vdiq një pacient nga f. Zërnovc (Koçan) në moshën 62 vjeçare, i cili ka qenë në shërim spitalor nga 21 prilli”, cituan nga Ministria.
Informojnë se 362 testet e bëra janë përmes: ISHP-285, Veterinar f-tet-11, Avicena-9, Biotek-26, Filipi i Dytë (Zhan Mitrev)-0, Sistina me PRC metodë-21 dhe ASHAM-10.
Deri tani në vend janë bërë gjithsej 16.798 teste të Kovid-19.
Në Klinikën për sëmundje infektive dhe gjendje fibrile janë pranuar dy pacientë të rinj, ndërsa gjithsej janë hospitalizuar 48. Në oksigjen janë 27, ndërsa në ventilim mekanik është një pacient.
Në SPQ “8 Shtatori” janë pranuar tre të rinj, ndërsa gjithsej të hospitalizuar janë 26 pacientë. Prej tyre katër pacientë janë në aparat respirator dhe tre të tjerë me pasqyrë më të rëndë klinike.
Në spitalin e Manastirit shërohen katër pacientë, ndërsa në shërim shtëpiak ndiqen tre. Në spitalin në Shtip janë hospitalizuar dy pacientë, ndërsa katër të tjerë ndiqen në shërim shtëpiak. Në repartin infektiv në Prilep, Veles, Kumanovë, Ohër, Gostivar dhe Tetovë janë hospitalizuar gjithsej 44 raste pozitive të Kovid-19.