Bora në Strugë, komuna e kaloi testin e parë!

Gjatë mbrëmjes së kaluar bora e kaploi Strugën dhe rajonin duke e zbardhur tokën dhe rrugët e saj. Mirëpo për hir të së vërtetës gjatë ditës së sotme të gjitha rrugët e qytetit dhe fshatrave të Strugës kanë qënë të kalueshme dhe të pastruara. Të paktën deri në këto momente nuk është raportuar nëse në ndonjë vendbanim ka rrugë të papastruara, informon VOX Struga.

Në qytet vërehet se është hedhur edhe rërë. Rrugët e qytetit për këtë vit i pastron Ndërmarrja Publike “Komunalja”, e cila që në orët e para të mëngjesit ka qënë në terren duke pastruar rrugët dhe rrugicat e qytetit.

Gjithsesi, sasia e borës që ra ishte shumë e vogël në krahasim me atë që pritet në ditët e ardhshme dhe shpresojmë se autoritetet lokale do ta kryejnë siç duhet këtë detyrim ligjor të tyre./VOX Struga/