Jo në Strumicë, por në Shkup do të luhet finalja e Kupës së Maqedonisë

Kupa e RMV-së: Struga TL – Makedonija Gj.P, më 20 maj në kompleksin e FFM-së

 Finalja e  Kupës së Maqedonisë së Veriut në  futboll  do të zhvillohet më 20 maj, por jo në stadiumin “Bllagoja Istatov” të Strumicës, siç ishte njoftuar më parë. Ajo do të luhet tek kampi stërvitor “Petar Milloshevski” i FFM-së.  

Shkaku i këtij ndryshimi të vendit për zhvillimin e ndeshjes finale, sipas komisarit të garave Igor Frangovski,  janë kushtet e vështira të fushës dhe rreth saj, prandaj finalja do të zhvillohet në Shkup. Nga ana tjetër arena “Todor Proeski” në Shkup tanimë ka filluar përgatitjet për ndeshjen kualifikiese për “Euro 2024” kundër Ukrainës në qershor.