“Bamirësit Struganë” japin llogari – transparencë në projektet e realizuara

Njoftim për media

Shoqata Humanitare “Bamirësit Struganë” me rezultate të suksesshme e përmbylli vitin 2022. Grupi i të rinjve të cilët para 3 viteve me dëshirë të madhe dhe vullnetarisht ndihmonin nevojtarët në shoqërinë tonë arriti që vitin që lamë pas të qarkullojë qindra mijëra euro në ndihmë të atyre që kanë nevojë.

Transparenca, përgjegjësia dhe puna e palodhshme janë tre shtyllat që e mbajnë fuqishëm Shoqatën Humanitare “Bamirësit Struganë”.

Korrektësia e punës të kësaj shoqate ka krijuar besim të madh në mesin e njerëzve bujarë në vendin tonë por nga ana tjetër aksionet interesante dhe kreative që organizojnë ka ndikuar në rritjen e ndërgjegjësimit human dhe solidarizimit me të varfërit tek gjeneratat e reja.

“Bamirësit Struganë” do vazhdojnë misionin e tyre në ndihmë të nevojtarëve edhe më fuqishëm gjatë vitit 2023!